İşğal etilgen Qırımda taqiqat organları bazar künü Bağçasarayda özüni yaqqan insannıñ meselesini teşkere. Bunı işğal etilgen Qırımdaki Rusiye Taqiqat komitetiniñ baş taqiqat idaresiniñ matbuat hızmeti bildire.
«Yanvar 8-de kündüz Bağçasaraynıñ 50 yaşında sakini ömür arqadaşınen qavğalaşıp, soy-sop ögünde yanında ketirgen şingenlikni üstüne tökip, özüni yaqtı. Kösterilgen yardımğa baqmadan, erkek alğan yanıqlardan sebep can berdi», – dep aytıla haberde.
Sentâbr 4-de Yaltada alğan yanıqlardan sebep 75 yaşında iş adamı Aleksandr Strekalin vefat etti. O, sentâbr 2-de qorantasına ait «Hottabıç» qavehanesiniñ yıqılmasına narazılıq olaraq özüni ateşke bergen edi.
