Link açıqlığı

Eki qırımtatar qadını 2016 senesi Ukrainanıñ muvafaqiyetli qadınları cedveline kirdi


Jamalа «Muvafaqiyetli qadınlar» kitabında

Ukraina vatandaşı olğan eki qırımtatar qadını 2016 senesi Ukrainanıñ muvafaqiyetli qadınları olaraq tanıldı ve böyle adlı neşirniñ cedveline kirsetildi, dep haber ete Qırım.Aqiqat muhbiri.

Böylece, yırcı, bestekâr, Ukaina halq artisti Jamala ve Qırımtatar Milliy Meclis azası, Geniçesk rayon devlet memuriyetiniñ yolbaşçı muavini Gulnara Bekirovanıñ hayat ikâyeleri «Muvafaqiyetli qadınlar» kitabına kirdiler.

«Muvafaqiyetli qadın» malümat-neşir leyhası muvafaq, becerikli ve maqsadkâr qadınlarnıñ memleketimizniñ yaşayışında tutqan yüksek içtimaiy statusnı köstermek içün tesis etilgen», – dep aytıla kitapnıñ taqdim qısımında.

Leyhanıñ tasvirinde qayd etile ki, esas ğaye – «muvafaq, becerikli ve maqsadkâr qadınlarnıñ memleketimizniñ yaşayışında tutqan yüksek içtimaiy statusnı köstermek ve böylece, mustaqil Ukrainanıñ musbet itibarını, körünişini ve yatırım cazibesini pekitmek. Bu kitap bizge ayrı şahıs ve mutehassıs qadın taqımlarına şüret bildirmege imkân bere, olar er künlik emeklerinen devletniñ içtimaiy-iqtisadiy inkişafına salmaqlı isse qoşalar, tek öz memleketinde degil, çetelde de tanılalar. Olar memleketimizniñ ve cemiyetimizniñ iftiharıdır».

Neşirniñ ortaqları sırasında, ayrıca, vilâyet ve rayon deputat şuraları ve memuriyetleri, Ukraina Qadınlar Birligi qayd etilgenler.

Ukrain yırcısı Jamala, Stockholmde keçirilen Eurovision 2016 yarışında ğalebe qazanqan edi.

XS
SM
MD
LG