Link açıqlığı

Saatnıñ esas haberi

Yarımadada Qırım Hanlığı aqqında tarih kitabını ğayırdan çıqardılar


Qırımda meşur tarihçı, yazıcı ve TV alıp barıcısı Oleksa Gayvoronskiyniñ «Eki qıtanñ ükümdarları» («Poveliteli dvuh materikov») kitabı ğayırdan çıqarıldı. Bunı Qaradeniz Production studiyasınıñ müdiri Elzara İslâmova öz Facebook saifesinde haber etti.

Kitapnıñ ğayırdan çıqarılması munasebetinen Aqmescitte müellifniñ oquyıcılar ile icadiy körüşüvi keçirildi.

Merasimde, çıqarılğan resimlerge baqqanda, tahminen 30-40 insan iştarak etkeni ve olarnıñ arasında qırımtatar faalleri ve jurnalistler olğanları añlaşıla.

Oleksa Gayvoronskiyniñ qayd etkenine köre, öz kitabında o oquyıcılarğa «aralarında Geraylarnıñ devleti turğan, eki qıtanıñ topraqlarında seyaat etmege» teklif ete. «Eki qıtanıñ ükümdarları» kitabında Qırım hanlığınıñ peyda oluvı ve tiklenüvi deviriniñ vaqiaları ve yarımada akimleriniñ süretleri taqdim etilgen.

«Eki qıtanıñ ükümdarları» kitabı 2010 senesi dünya yüzüni körgen edi.

XS
SM
MD
LG