Yaltadaki Küneş yolçuğına oba-oba çöplük atıla. Yerli sakinler bu problemağa yarımadadaki rus akimiyetiniñ diqqatını celp etmege tırışa, dep haber ete «Argumentı nedeli Krım».
Gaspra sakini Yevgeniy Jukov Küneş yolçuğınıñ, ve onda 2017 senesiniñ birinci künlerinde körgen çöplük obalarınıñ fotoresimlerini Facebook içtimaiy ağında paylaştı.
Yerli sakinniñ sözlerine köre, o resmiy şekilde Yalta şeer politsiya bölügine muracaat etti. İzinsiz atılğan çöplük obaları aqqında arizanı ondan qabul ettiler.
2016 senesi oktâbr ayınıñ ortasında Kreml nezaretindeki Yalta yolbaşçısı Andrey Rostenko, Küneş yolçuğı daa güzel temizlenmek kerek olğanını aytqan edi. O belediye hızmetlerine turistik yolnı er kün temizlemege avale etken edi.
