Livadiya sarayı müzeyinde «Livadiya parkı. Keçmişi ve şimdiki zaman» boya resim sergisi taqdim etilgen.
Rusiye kontrolündeki Qırım akimiyetiniñ Medeniyet nazirligi, sergide Qırımlı ressamlar Eleonora Şeglova, Aleksandra Sırbu, İrina Brusnitsına ve Valeriya Popovanıñ resimleri taqdim etilgenini bildire.
«Olarnı Qırım toprağına, Livadiyağa sevgi ve Livadiya parkınıñ güzelligini köstermek avesligi birleştire. Zemaneviy müellifler, Qırım manzarasına buyurıp, tabiatnıñ kerçekçi tasviriy ananelerini devam eteler, ve bunen beraber yañı çizgiler qoşalar: yañı ifade aletlerini qıdıralar. Bügün Qırım manzara ressamlığı – açıq ava ressamlığıdır, bütün işler tabiattan yazıla, çoqusı – «a la prima» tehnikasında, bir oturışta, tez-tez, keñ tarzda, diger manzaralar ise uzun müddette ve bir-qaç oturışta yazıla», – dep aytıla bildirüvde.
Sergi, yanvar 17 kününe qadar ziyaretler içün açıqtır.
