Link açıqlığı

«Admiral Kuznetsov» uçaq gemisi Suriyedeki alanını terk etecek – matbuat vastaları


«Admiral Kuznetsov» uçaq gemisi

Rusiyeniñ «Admiral Kuznetsov» uçaq gemisi ve onıñ yolbaşçılığındaki gemiler Suriyedeki Rusiye ava-kâinat quvetleriniñ tedbirleri keçirilgen alannı terk etecekler, dep bildire TASS Baş ştabı yolbaşçısı Valeriy Gerasimovnıñ aytqanlarına esaslanıp.

Gerasimovnıñ aytqanına köre, Rusiye Mudafaa nazirligi Suriyede Rusiye askerleriniñ sayısını azlaştırmağa başladı, ve ilk olaraq cenk alanını uçaq gemileri terk etecektir. Onıñ tam çıqma müddetleri aydınlatılmadı, dep yaza TASS.

Aynı vaqıtta, neşirniñ qayd etkenine köre, Suriyede Rusiye ordusını idare etken Andrey Kartapolov yanvar 6-da Rusiye deñiz aviatsiyası soñki eki ay devamında 420 arbiy uçuşnı kerçekleştirip, uçaq gemileriniñ bütün arbiy vazifelerini yerine ketirdi, dep bildirdi. O, Suriyede C-300 ve C-400 kompleksleri esasında yekâne ava mudafaa sisteması meydanğa ketirildi, dep ayttı.

2016 senesi noyabr ortasında Rusiye Mudafaa nazirligi «Admiral Kuznetsov» ava gruppasına kirgen Mig-29 tüşkenini haber etken edi. Nazirlik uçaq deñizge uçaq gemisiniñ yanında tüşkenini bildirdi. Uçucı qurtarıldı.

Rusiyeniñ «Admiral Kuznetsov» yekâne uçaq gemisi Rusiye Arbiy-deñiz flotunıñ gemi gruppası erkânında Aq deñizde buluna. 2016 senesi noyabr 15-de Suriyede darbe endirmege başlağan edi.

XS
SM
MD
LG