Link açıqlığı

«Teselli» qırımtatar ansambli yardımğa muhtac qorantalarnıñ balaları içün hayriye kontsertni keçirmege azır. Qırım.Online içtimaiy ağınıñ faalleri bilet parasını berecek insanlarnı qıdıra.

«Bildiremiz ki, «Teselli» ansambliniñ hayriye yubiley kontsertiniñ biletleri daa bir ve eyilik yapmağa azır olğanlarnı bekley! Yardımğa muhtac qorantalarnıñ balalarına bilet alıp, bayramnı ediye etmege ve quvandırmağa azır olğan insanlarnı qıdıramız!», – dep aytıla ilânda.

Oyuncı ve horeograf Münir Ablayevniñ reberiyeti altındaki «Teselli» ansambliniñ yubiley kontserti yanvar 8-de ötkerilecektir.

«Kontsert musafirleri Dj Bebek, Asan Hayretdinov, Arsen Bekirov, Elina Sosnovskaya, Arsen Osmanov ve digerleri olacaqtır!», – dep bildire Qırım.Online.

2016 senesi işğal etilgen Qırımda «Bizim balalar» leyhası başlatıldı. Leyha teşebbüsçisi jurnalist Lilâ Bucurova oldı. Onıñ maqsadı – Qırımnıñ siyasiy mabusları ve ğayıp olğan ya da qaçırılğan qırımtatarlarnıñ qorantalarına yardım etmektir. Leyha yalıñız maddiy yardımnı qabul etmey. Leyha çerçivesinde siyasiy taqiplerge oğrağan insanlarnıñ balalarına yardım kösterile: para, urba ve oyuncaqlar, raatlıq ve tedaviylev, psihologik yardım ve ilâhre.

XS
SM
MD
LG