Link açıqlığı

Rusiye Abhaziya, Cenübiy Osetiya, Pridnestrovye ve Qırım inkişafını istemey. Amma ondan ancaq parası bitse vazgeçer.

Böyle bir fikirni Qırım.Aqiqat Radiosınıñ yayınında İliya Devlet universitetiniñ (Gürcistan) professorı Oleg Panfilov seslendirdi.

«Paraları bitkenini beklemek kerek, dep tüşünem, soñra referendum keçirmege mümkün, asılında, o da kerekmey, çünki evelki referendum qanunsız edi. İnsanlar şimdi olğanlarnı beklemegenini endi añlay», – dep ayttı o.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG