Link açıqlığı

Saatnıñ esas haberi

Smedlâyev: Mamaqtaki qırımtatar ailesiniñ yanğını evnen bağlı edi


Resim
Resim

Dekabr 29-da Aqmescit civarındaki Mamaq (Stroganovka) köyünde Asanovlar qırımtatar qorantasınıñ yanğını evnen bağlı edi. Bunı çarşenbe künü, yanvar 9-da, Qırımtatar Milliy Qurultayı Merkeziy saylav komissiyasınıñ reisi Zair Smedlâyev Qırım.Aqiqatqa bildirdi.

«Yanğın sebebi – evdir. Kimse onı ateşke bermedi. Anda qızdıruv sisteması yañlış yapılğan edi, ğaliba. Biz para toplap, bir odalı vagon satın aldıq. Bu künleri qurucılıq malzemelerini satın alıp, vagonda saçaq yapacaqmız», – dep ayttı Smedlâyev.

Cemaat faaliniñ aytqanına köre, cuma künü, yanvar 6-da, Nariman Asanovnıñ ömür arqadaşı Lenuranı büyük oğullarınen beraber hastahaneden çıqaracaqlar. Yanğın neticesinde olar ekisi zarar kördi. Aqayı ve küçük oğlu zarar körmegen.

«Tünevin (yanvar 3-de – QA) psiholog kelip, olarnen subetleşti», – dep ayttı Smedlâyev.

Cumaaqşamı künü, dekabr 29-da, gece saat 2.30 Aqmescit rayonınıñ Mamaq köyündeki Sarı Baş soqağında qırımtatarlarnıñ evi yandı. Zair Smedlâyevniñ bildirgenine köre, «Nariman ve Lenura Asanovlarnıñ yaş qorantası oğulları 11 yaşında Akim ve 9 yaşında Selim ile evsiz ve parasız qalğan». Yerli musulman cemiyeti olarğa yardım etmek içün para toplamağa başladı.

XS
SM
MD
LG