İstanbulda salı künü, yanvar 3-de, insanlar yılbaş gecesinde 39 insan elâk olğan, 65 kişi ise yaralanğan terakt yüz bergen Reina klubınıñ kirişinde insanlar duağa toplaştı, dep bildire Radio Svoboda.
Ücüm etken kişini qıdırmağa devam eteler. Qırğızistan memurları şeklengen kişiniñ kimligini ögrenmek içün Türkiye ile iş tutqanını bildirdi.
Azatlıqta qalğan ücüm etken insan Reina gece klubına kirip, Yañı yılnı qayd etken insanlarğa qarşı ateş açtı.
Neticede 39 insan elâk oldı ve 69 kişi yaralandı.
«İslâm devleti» teşkilâtı bu adiseden mesülietini öz boynuna alıp, Türkiyeniñ Suriyege cenk kirişmesi içün intiqam olğanını ayttı.
Türkiye kütleviy haber vastaları bildirdi ki, şeklengen kişi Özbekistan ya da Qırğızistandan çıqma ola bile. Bazı ekspertler ücüm etken kişi arbiy azırlıq körgenini tüşüne.
Türkiye ükümetiniñ vekili bildirdi ki, memurlar ücüm etken kişiniñ kimligini aman-aman ögrengenler.
