2017 senesi yanvar 1-den itibaren işğal etilgen Qırım sakinlerinden yerli idare organlarınıñ reberleri köstergen faaliyetlerine qıymet kesmege rica etecekler. Bunı Kreml kontrol etken Qırım ükümetiniñ matbuat hızmeti bildire.
Matbuat hızmeti qayd etkenine köre, sorav yıl devamında keçirilecektir – 2017 senesi dekabr 31 kününe qadar. Onı Qırımnıñ İçki siyaset, malümat ve bağ nazirligi keçire.
Sorav metni Qırım ükümetiniñ saytında yerleştirilgendir. Şahsiy bir malümat soralmay, 17 sual berile.
Berilgen malümatqa köre, 2016 senesiniñ sorav neticeleri 2017 senesi aprel ayında çıqarılacaqtır. 2017 senesi sorav neticeleri 2018 senesi çıqarılacaqtır.
