Link açıqlığı

Saatnıñ esas haberi

Amerikadan sürgün etilgen diplomatlar uçağı Moskvağa kelip çıqtı – matbuat vastaları


Washingtondaki Rusiye elçihanesi
Washingtondaki Rusiye elçihanesi

Amerika Qoşma Ştatlarından sürgün etilgen 35 Rusiye diplomatı uçaq ile Moskvağa yanvar 2-de kelip çıqqan, dep bildire «İnterfaks».

«Rusiye» yaz otrâdınıñ mahsus uçağı Washington Dulles ava limanından yolğa çıqqanını tünevin bildirgenler.

Cuma künü, dekabr 30-da, Rusiye prezidenti Vladimir Putin memleketniñ Tışqı işler nazirligi seslendirgen teklifni qabul etmeyip, AQŞ diplomatlarını Rusiyeden sürgün etmedi. «Rusiye cevap berme aqqını saqlay, amma «aşhane» diplomatiyası seviyesine tüşmeycek», – dep aytıla Kreml saytında derc etilgen Putin beyanatında.

Dekabr 29-da AQŞ bildirdi ki, 35 Rusiye diplomatı memleketten sürgün etilecek ve Rusiyege qarşı yañı cezalar kirsetilecektir. Bunıñ sebebi Amerika prezidentiniñ saylavları vaqtında olğan kiber ücümleri olğandır.

Amerikanıñ Beyaz sarayı New York ve Maryland ştatlarında Rusiye diplomatlarına ait eki müessise istihbarat faaliyeti içün qullanıldı, dep tahmin ete. Bu sebepten olar qapatılacaq, diplomatlar ise sürgün etilecektir.

XS
SM
MD
LG