İşğal etilgen Aqmescitniñ trolleybuslarında yol parası arttı – 10 rubleden 20 rublege qadar, dep bildire «Novosti Krıma» «Krımtrolleybus» müessisesiniñ malümatına esaslanıp.
«Qırımda zemin elektrik naqliyatı ile yolcu ve bagaj taşımasınıñ fiyatları belgilenmesine dair» buyruq esasında 01.01.2017-den itibaren şeer içinde yolcu ve bagaj taşıması 12 ruble olacaqtır», – dep tekrarlay müessise matbuat hızmetiniñ malümatını neşir.
Aynı vaqıtta, 2017 senesi iyül 1-den başlap Aqmescit trolleybuslarında yol parası daa 15%-ğa – 14 rublege qadar artacaqtır, dep qayd ete «Novosti Krıma».
Neşirniñ bildirgenine köre, Aqmescit trolleybuslarında yol parası soñki kere bir yıl evel, 2016 senesi yanvar 1-de, – 8 rubleden 10 rublege qadar artqan edi. Kreml kontrol etken Qırım naqliyat nazirligi yol parası bütün masraflarnı köz ögüne almay, dep bildirgen edi.
İşğal etilgen Qırımda 2017 senesi yanvar 1-den itibaren şeerlerge qatnağan demir yol naqliyatında yol parası arttı.
Yañı yıldan Aluşta, Yalta ve Aqmescit trolleybuslarında yol parasınıñ miqdarı deñişicek, dep vade etilgen edi.
