«İslâm devleti» terrorist teşkilâtı İstanbulda 39 insannıñ ölümine ketirgen Yılbaş gecesinde gece klubında yüz bergen silâlı ücüm mesüliyetini öz boynuna aldı. Bunı The Wall Street Journal bildire.
Ukraina Tışqı işler nazirligi İstanbuldaki ücüm neticesinde elâk olğan ve yaralanğanlar arasında Ukraina vatandaşları yoq, dep bildirdi.
Yanvar 1-de gece silâlı erkek İstanbulnıñ Ortaköy tarihiy rayonındaki Reina gece klubında ateş açtı. Anda yarım biñden ziyade insan Yañı yılnı qayd etmegetoplaştı. Ücüm neticesinde 39 insan elâk oldı (şu cümleden 16 nefer çetel vatandaşı) ve 69 kişi yaralandı. Ücüm etken kişiniñ taqdirine dair bir de bir malümat şimdilik yoq. Akimiyet bunı terrorist ücümi dep tanıdı.
Qırımtatar Milliy Meclisiniñ reisi Refat Çubarov 2017 senesi yanvar 1-de gece İstanbulda kerçekleştirilgen terrorist ücüminde elâk olğanlarnıñ tuvğanları ve yaqınlarına ve bütün türk halqına taziyelerini bildirdi.
