Amerika Qoşma Ştatları Rusiyege qarşı prezident kampaniyası vaqtında yapqan kiber ücümlerinden sebep yañı cezalar aqqında bildire. Bunı Radio Svoboda haber ete.
AQŞ Maliye nazirligi bildire ki, cezalar altı insan ve beş rusiye teşkilâtı, şu cümleden FSBge de tesir etecektir. Ceza cedveline Devlet istihbarat idaresiniñ reberi İgor Korobov ve üç muavini de kirsetildi.
Amerikanıñ cumhuriyetçi senatorı Lindsey Graham Moskva ve Rusiye prezidenti Vladimir Pütin AQŞ prezident kampaniyası vaqtında kerçekleştirgen kiber ücümlerinden sebep cezalarğa oğraycağını aytqan edi. Graham bildirdi ki, Kongress Moskvanıñ AQŞ prezidentiniñ saylavlarına Moskvanıñ kirişmesini taqiq etecek.
Rusiye cumhuriyetçi Donald Trump ğalip çıqqan AQŞ prezident saylavlarına er angi kirişmesi olğanını inkâr ete.
Rusiye Tışqı işler nazirliginiñ vekili Mariya Zaharova Moskvağa qarşı yañı iqtisadiy cezalar kirsetilse, Rusiye Amerikağa cevap bermege vade ete, dep bildirdi.
