İşğal etilgen Qırımda üzülgen elektrik ağları İslâm terek, Yedi Quyu, Aqmescit, Saq ve Aqmeçit rayonlarında 10 mesken yerni elektriksiz qaldırdı. Bunı Krıminform Qırımdaki Fevqulâde vaziyetler nazirliginiñ matbuat hızmeti bergen malümatqa esaslanıp bildire.
«Al-azırda 10 mesken yer elektriksiz qala, elektrikler anda qısmen berille. Rayon elektrik ağlarınıñ qaza taqımı çalışa, 13 taqımnıñ er biri 30 insandan ibarettir», – dep bildirdi FVN.
Haber etile ki, elektrikler Aqmescit rayonınıñ Qulçuq, Sarabuz ve Yañı Sarabuz qasabalarında yoq.
2015 senesi noyabr 22-de Herson vilâyetinde elektrik ağları patlatılğan soñ Qırımğa elektrikler berilmesi toqtatıldı ve tamir işlerinden soñ dekabr 8-de başladı. 2015 senesi dekabr 30-da elektrik ağı kene bozuldı. Tamir işleri keçirildi, amma Qırımğa elektrik energiyası berilmey, çünki añlaşma müddeti soñuna keldi.
Al-azırda Qırım kendi generatsiya, Rusiyeden generator tertibatı ve Kubandan yapılğan energetik köpür yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.
