Kreml kontrol etken Bağçasaray rayonı memuriyetiniñ yolbaşçısı Viktor Knâzev ve Aluşta memuriyetiniñ yolbaşçısı İgor Sotov işten boşatıldı. Bunı Rusiye tayin etken Qırım yolbaşçısı Sergey Aksenov belediyelernen video vastasınen bağlanıp ayttı, dep bildire RİA Novosti Krım.
Belli oldı ki, Kreml tayin etken Qırım ükümetiniñ Rusiye yolbaşçısınıñ muavini Öleg Kazurin işten ayırılacağına dair ariza yazdı. Sergey Aksenov buyruqnı imzaladı.
Bundan evel Qırımnıñ baş mimarı Aleksandr Küznetsov da işten ayırılacağına dair ariza yazdı.
Bundan ğayrı, dekabr 29-da Rusiye tayin etken Qırım qurucılığı hızmetiniñ reberi İvan Poyda teşkerüv vaqtında işten uzatıldı.
