Link açıqlığı

Ukraina nazirligi Rusiyeden işğalde siyasiy sebeplerden apiske alınğan, mahküm etilgen ve esir alınğanlarnı azat etmesini talap ete


Ukraina Tışqı işler nazirligi Rusiyede, işğal altındaki Qırımda ve Kreml qoltutqan Donbass separatistleri tarafından yaqalanğan ve aqları bozulğan ukrainlerden sebep Moskvağa narazılığını bildirdi. Bu aqqında cumaaqşamı künü, dekabr 29-da, TİN beyanatında aytı.

«Ukraina Tışqı işler nazirligi Rusiye Federatsiyasına devam etken repressiya, qanunsız yaqalav, tintüv ve apiske alınmalar, em de Ukraina vatandaşlarına qarşı yapqan azap ve sert areketleri sebebinden narazılığını bildire… Altı esir Ukrainağa qaytsa da, olarnıñ sayısı eksilmedi, aksine, arttı: istilâcı devlette 17 ukrain siyasiy sebeplerden apiste yatqanını bilemiz. Daa ziyade semetdeşimiz işğal altındaki Qırım yarımadasında yaqalanıp apiske alındı. Yüzden ziyade ukrain Donetsk ve Lugansk vilâyetleriniñ işğal etilgen topraqlarında müthiş şaraitlerde buluna», – dep aytıla haberde.

Ukrain diplomatları Rusiye ukrain konsullarına ukrain siyasiy mabuslarınen körüşmege izin bermemege devam etkenini ayta.

TİN qayd ete ki, Ukraina Rusiyeden qanunsız alda yaqalanğan Ukraina vatandaşlarını azat etmege talap ete. Birleşken Milletlerniñ aza devletleri ise Rusiyege basqı arttırmaq içün areket etilmesini istey.

XS
SM
MD
LG