Link açıqlığı

Rusiye uquq qoruyıcıları «Millet» telekanalınıñ ofisinden vesiqalarını aldı – matbuat vastaları


«Millet» telekanalınıñ müdiri Seyran Mambetov

Bir sıra kütleviy haber vastası akimiyetke qoltutqan «Millet» qırımtatar telekanalında teşkerüv olğanını bildire. Haber etile ki, Qırımnıñ uquq qoruyıcı organları telekanalnıñ ofisinden vesiqalarını alıp ketti, böyle areketler hırsızlıq yapılmasınıñ şübeleri ola, dep isbatladı Kreml tayin etken Qırım yolbaşçısı Sergey Aksenov.

«Öşek degil, «Milletniñ» vesiqaları alındı. Uquq qoruyıcı organları vaziyetni ögrene. Hırsızlıq şübeleri bar. Bugünde-bugün uquq qoruyıcılar er angi devlet qurulışına kire bile. İçki işler nazirliginiñ matbuat hızmetinden ve prokuraturadan malümat bekleymiz», – dep tekrarlay Kreml tayin etken Qırım yolbaşçısı Sergey Aksenovnıñ aytqanlarını «RİA Novosti Krım».

Kütleviy haber vastalarınıñ bildirgenine köre, telekanal vesiqalarını uquq qoruyıcılar ve FSB hadimleri alıp ketti.

Qırımnıñ uquq qoruyıcıları izaat bermeyler.

2015 senesi avgust 10-da Roskomnadzor «Millet» telekanalı ve «Vatan sedası» radiosını kütleviy haber vastaları olaraq qayd etti. «Millet» akimiyetke qoltutqan TRK «Krım» («Pervıy krımskiy») telekanalınıñ qırımtatar ve milliy yayınları departamenti esasında quruldı.

«Millet» kanalınıñ peyda olmasınen beraber ATR telekanalı qapatıldı ve Kyivge köçmege mecbur oldı.

XS
SM
MD
LG