Link açıqlığı

Kyivde dekabr 28-de «Aydar» batalyonınıñ askeri, qırımtatarı Ruslan Mujdabayev ile vedalaşqanlar. O, 60 yaşında olıp, ATO alanında yüregi yaramağan soñ can berdi.

Mujdabayevni soñki yolğa ozğarmaq içün arbiy arqadaşları, qırımtatarlar, Meclis azaları keldi.

«Bugün Kyivde dostları, arbiy ortaqları, Kyivde oturğan qırımtatarlar onı soñki yolğa ozğarmağa kelgen. Samimiy ve yahşı bir insan olğanını aytqanlar. Yardım etmege tırışqan edi. Ukraina, Qırımnı seve edi. Maydannıñ ilk künlerinden anda edi. Soñra ATO göñüllisi oldı, 60 yaşında olıp. Bütün olmaycaqlardan temizlengen tuvğan Qırımğa qaytmağa arz etken edi», – dep yazdı Facebookta Qırımtatar Milliy Meclisiniñ azası Gayana Yüksel.

Ruslan Mujdabayev 2-nci afgan ücüm rotasında cenkleşti. «Rusik Tatarin» tahallüsi ile bellidir.

XS
SM
MD
LG