Link açıqlığı

Ahtem Çiygoznıñ ömür arqadaşı: ukrain ombudsmeniniñ ziyareti apansızdan oldı


Ahtem Çiygoznıñ ömür arqadaşı Elmira Ablâlimova

Ukraina Yuqarı Radasınıñ insan aqlarından vekâletlisi Valeriya Lutkovskayanıñ işğal etilgen yarımadağa kerçekleştirgen ziyaretini siyasiy mabuslar beklemegen edi. Bunı Qırımtatar Milliy Meclisiniñ reis muavini Ahtem Çiygoznıñ ömür arqadaşı ve imayecilerinden biri Elmira Ablâlimova Qırım.Aqiqat Radiosınıñ saba yayınında ayttı.

«Mahkemeciler çalışqan zalımız meşğul dep, mahkeme oturışını üyleden soñ keçirmege teklif etken. Advokat Nikolay Polozov ile taqiqat izolâtorınıñ taqiqat odasında edik. Biz beklemesek de, Ahtemni (Çiygoznı – QA) qomşu taqiqat odasına çağırğanlar, Rusiye ve Ukraina ombudsmenleri ile körüşüv oldı», – dep ayttı o.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG