«Aydar» batalyonınıñ askeri, 60 yaşında qalb krizi keçirip ATO bölgesinde fevat etken qırımtatarı Ruslan Mujdabayevni dekabr 28 künü soñki yolğa ozğaracaqlar. Merasim saat 10:00 Kyivde, Bajan prospekti, 7j adresinde («Vırlıtsâ», «Harkivska» metro stantsiyaları civarında) ötkerilecek. Bunı «QHA» haber ete.
Mujdabayevnen vedalaşmaq içün onıñ cenk qardaşları, qırımtatar cemiyetiniñvekilleri,Milliy Meclis azaları kelecek.
Vedalaşuvdan soñ asker Kyivniñ «Severnoye» mezarlığında, Lıpkı köyü yanında defin etilecek.
Ruslan Mujdabayev 2-ci Afgan ücüm etici gruppa terkibinde cenkleşti. «Rusik Tatarin» lağabı ile belli.
O Maydandan «Aydarğa» qadar yol keçti. Cebede bulunıp, sıq-sıq Qırımnı hatırlay edi, onı «işğalden azat etmege» arzu ete edi.
