Link açıqlığı

Saatnıñ esas haberi

Gripp aqqında Qırım isaiyatına işanmağa mümkün degil – Ukraina Sağlıq saqlav naziriniñ muavini


Oleksandr Linçevskiy
Oleksandr Linçevskiy

Gripp mevsiminde epidemiyanıñ yayılması, diger vaqıtlarğa nisbetten, daa çoq imkân tapa bile. Lâkin işğal etilgen Qırımda alıp barılğan isaiyat, hastalarnıñ sayısını ve epidemiya seviyesini tam olaraq esaplap olamay. Böyle fikrini dekabr 27 künü Qırım.Aqiqat Radiosınıñ saba efirinde Ukraina Sağlıq saqlav naziriniñ muavini Oleksandr Linçevskiy seslendirdi.

«Evel, Sovet Birliginde isaiyat, ve şimdi Qırımda isaiyat nasıl esaplanılğanı köz ögüne alsaq – bu raqamlarnıñ iç birine işanmağa mümkün degil. Demek ki, oña emiyet bermege, ve bundan da ziyadesi, diñleyicilerge yetkizmek – bu yañlıştır», – dep qayd etti Linçevskiy.

Suvuq avadan sebep şiddetli virus nefes hastalıqları Qırımda keñiş surette yayıldı ve epidemiya seviyesini 15% aştı. Bunı dekabr 20 künü Kreml kontrolündeki Qırımniñ baş sanitar ekimi Natalya Penkovskaya beyan etken edi.

Ayrıca, Penkovskayanıñ sözlerine köre, epidemiya seviyesi Qırımnıñ üç regionında aşqan: Keriç, Yedi Quyu ve İçki rayonlarında.

Baş sanitar ekim bildirdi ki, şimdi endi 156 insan gripp hastalığına oğrağanı qayd etilgen, olarda A H3N2 (Hong Kong virusı) gripp çeşiti tapıldı. Bu sene bu gripp çeşiti olacağı evel de bildirile edi.

XS
SM
MD
LG