Link açıqlığı

Romaniya prezidenti qırımtatar qadınını baş nazir vazifesine tainlemedi


Sevil Şaideh ve Romaniya sotsial-demokratik fırqasınıñ lideri Liviu Dragnea

Romaniya prezidenti, sotsial-demokratik fırqa tarafından teklif etilgen namzetni, qırımtatar tamırı olğan Sevil Şaidehni baş nazi vazifesine tainlemeycek oldı. O ise Romaniya akmiyetiniñ reberliginde ilk qadın ve ilk musulman olmaq mumkün edi, dep haber ete Radio Svoboda.

Klaus Iohannis , öz qararını dekabr 27 künü ilân etkende, sebeplerni añlatmadı, ve neiçün Şaidehniñ namzetini red etkenini aytmadı.

«Men bütün esaslarnı, qıymet ve eksiklerni tetamatnen talil ettim, ve böyle bir qarar almaycaq oldım», – dedi Iohannis öz video-muracaatında.

O, 11 dekabr parlament saylavlarında ğalebe qazanğan sotsial-demokratik fırqanı yañı namzetni teklif etmege çağıdı.

Bundan ögüne Romaniya parlament saylarında ğalebe qazanğan sotsial-demokratlar, akimiyetniñ yañı yolbaşçısı olaraq Romaniyanıñ sabıq Regional inkişaf naziri, qırımtatar qadını, 52 yaşındaki Sevil Şaidehni saylamağa teklif etken ediler.

Liviu Dragnea, Sotsial-demokratik fırqanıñ yetekçisi, Sevil Şaidehniñ namzeti ilân etilgen soñ, onıñ özü «iftira ve Esas qanunğa qarşı kelgen qanunlar» sebebinden baş nazir vazifesini alamaycağını beyan etken edi. Şimdi Dragnea, sayavlarda yapılğan sahteliklerde qabaatlanıp, eki yıllıq şartlı müddetni keçirmekte.

Muhalifet, Dragnea ve Şaidehniñ arasında yaqın dostluq olğanına işaret etip – 2011 senesi Şaidehniñ toyunda Liviu Dragnea şaat edi – qadın-nazir fırqa yetekçiniñ elinde qoqla kibi areket etecegini beyan ete edi.

XS
SM
MD
LG