Link açıqlığı

Dekabr 26 künü Anti-terroristik operatsiya bölgesinde «Aydar» batalyonınıñ askeri, qırımtatarı Ruslan Mujdabayev, qalb krizi sebebinden fevat etti. Bunı UMMA Ukraina musulmanlarınıñ diniy idare müftisi Said İsmagilov öz Facebook saifesinde bildirdi.

«Cebede Ukrainanı qorçalağan daa bir musulman – Ruslan İlyasoviç Mujdabayev bu dünyanı terk etti. Onıñ yüregi bügün tam cebede toqtadı. O Maydandan cenkke qadar yol keçti, Aydar batalyonı terkibinde cenkleşti, ve cebede Ukrainanı qorçalap öldi. O er zaman Qırımnıñ azat etilmesini ve tuvğan toprağına qaytacağını arzu ete edi», – dep yazdı İsmagilov.

Mujdabayev Kyivteki «Severnoye» mezarlığında defin etilecek.

XS
SM
MD
LG