Link açıqlığı

Lutkovskaya Qırım apishanesinde tutılğan üç mabusnı ziyaret etecek – ombudsmennıñ kâtibiyeti


Valeriya Lutkovskaya (solda) ve Tatyana Moskalkova (sağda)

Ukraina Yuqarı Radasınıñ insan aqları boyunca vekâletlisi Valeriya Lutkovskaya, 26 dekabr künü Aqmescitniñ apishanesinde tutılğan üç mabusnı ziyaret etmege niyetli. Olardan biri – Ahtem Çiygoz. Bunı ombudsmenniñ kâtibiyet yolbaşçısı Bogdan Kriklivenko Facebookta haber etti.

«Üç ay, ve eñ ağır soñki eki kün keçken soñ, bizler Qırımda tutılğan siyasiy mabuslarnı, ve qıtaiy qısımğa (Ukrainağa – QA) teslim etilmelerini rica etken makümlerni ziyaret etmege imkân qazandıq. Biz 42 insannı ziyaret etmege rica ete edik, bizge tek üçünen körüşmege imkân berdiler, olarnıñ arasında Ahtem Çiygoz da bar», – dep yazdı Kriklivenko.

Keçende, ukrain ombudsmenı Valeriya Lutkovskaya rusiyeli ombudsmen Tatyana Moskalkova ile Qırımda ve qıtaiy Ukrainada apis etilgen Rusiyeniñ ve Ukrainanıñ bazı vatandaşlarını ziyaret etmege añlaşqanları beyan etilgen edi.

XS
SM
MD
LG