Link açıqlığı

Ukraina ve Rusiye ombudsmenleri Valeriya Lutkovskaya ve Tatyana Moskalkova Aqmescitteki №1 SİZOda «fevral 26» davasınıñ siyasiy mabusları Ali Asanov ve Mustafa Degermenci ile körüşti. Bunı advokat Nikolay Polozov Facebookta bildirdi.

«Ahtem Çiygoz ile körüşken soñ ombudsmenler Moskalkova ve Lutkovskaya «fevral 26» davasınıñ daa eki şahsı Ali Asanov ve Mustafa Degermenci ile körüşkenler», – dep yazdı Polozov.

Advokat qayd etti: «Birleşken Milletler işğal etilgen topraq olaraq tanığan Qırımda insan aqları saasında ilerideki işbirligi Ahtem Çiygoz, diger siyasiy mabuslarnıñ taqdirinde müsbet bir iz qaldıracağına ümüt bar».

Bundan evel Ukraina Yuqarı Radasınıñ insan aqlarından vekâletlisi Valeriya Lutkovskaya dekabr 26-da Aqmescit SİZOsında Qırımtatar Milliy Meclisiniñ reis muavini Ahtem Çiygoz ile körüşkenini bildirgen ediler.

XS
SM
MD
LG