Link açıqlığı

İşğal etilgen Qırımda «Çiygoz davasınıñ» mahkeme oturışında 2014 senesi fevral 26-da Qırım Yuqarı Radasınıñ binası yanında yüz bergen adiselerniñ delilleri tedqiq etilmekte. Bunı advokat Nikolay Polozov Facebookta derc etilgen videoda ayttı.

«Fotoresimler qısqa bir müddetni qaplap ala – 12:47-den 12:57-ge qadar. Numayış etilgen fotoresimlerde Ahtem Çiygoz yoq, içki azbarını qavrap alğan fotoresimler olsa da, şaatnı körmedik. Fotoresimlerde zarar körgen ve şaatlar aytqan qara-qırmızı bayraqlar da körünmedi», – dep ayttı Polozov.

Onıñ bildirgenine köre, fotoresimlerde ne zorbalıq areketleri, ne de zorbalıq maddeleri bar.

Nevbetteki mahkeme oturışı dekabr 27-de saat 9:30eda başlaycaqtır.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG