Link açıqlığı

Saatnıñ esas haberi

Rusiyeniñ Qırımdaki iqtisadiy inkişaf naziri istifağa ketti – haber vastaları


Valentin Demidov
Valentin Demidov

Rusiye kontrolündeki Qırım İqtisadiy inkişaf naziri Valentin Demidov, yañı işke avuşqanı sebebinden, öz istegi ile işten boşatılmaq içün ariza yazdı. Bunı, Kreml nezaretindenki Qırım yolbaşçısınıñ matbuat-hızmetine atıf etip, «RİA Novosti Krım» haber ete.

«Biz bu malümatnı tasdiqlaymız. Valentin Demidov, kerçekten, işten boşatılmaq içün ariza yazdı», – dediler matbuat-hızmetinde.

Agentlikniñ malümatına köre, memur yañı işke Aqyarğa keçmek içün böyle qarar aldı. Demidov yılnıñ soñuna qadar nazir vazivesinde bulunacaq.

Valentin Demidov 2015 senesi iyün ayında nazirlikke tain etildi, onıñ vaqıtında Qırımnıñ 2030 senesine qadar içtimaiy-iqtisadiy strategiyası azırlanıldı.

Qırımnıñ iqtisadiy inkişafı boyunca Rusiyeli nazirniñ adı AQŞ tarafından yaptırımlar cedveline kirsetilgen.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG