Link açıqlığı

Qırımdaki teşkilâtlarnıñ episi olup tölegen aylıq maaşlarınıñ orta aylıq esabı 2016 senesi oktâbr ayında 24 biñ 921 rubleni teşkil etti. Bu yılnıñ sentâbr ayına nisbetten, aylıq maaşı 4,7% eksildi, lâkin 2015 senesiñ oktâbr ayına nisbetten 3,6% arttı. Böyle malümat Qırım isaiyat hızmetiniñ «Qırım Cumhuriyetniñ 2016 senesi yanbar-noyabr aylarında içtimaiy-iqtisadiy vaziyetniñ qısqa yekünü» serlevalı esabatında ketirilgen.

«Kerçek aylıqnıñ indeksi 2016 senesi oktâbr ayında, bu yılnıñ sentâbr ayına nisbetten 94,3% teşkil etti, 2015 senesi oktâbr ayına nisbetten ise – 95,3%. Bu sene yanvar-oktâbr aylarında, 2015 senesiniñ aynı müddetine nisbetten, kerçek aylıq maaşı 2,6% arttı», – dep qayd etile vesiqada.

Bunen beraber 2016 senesi dekabr 1 kününde aylıq maaşları boyunda borc kölemi 72 million 219 biñ rubleni teşkil etti.

Qırımda bu sene iyül ayında berilgen aylıqnıñ orta esabı 24 biñ 853 ruble oldı. İyün ayına nisbetten aylıq maaşı 13,7% eksildi, 2015 senesi iyül ayına nisbetten ise – 12,4% arttı.

XS
SM
MD
LG