Link açıqlığı

Putin Tu-154 uçağınıñ qazasında elâk olğanlarnıñ hatırasına dekabr 26 kününi matem künü olaraq ilân etti


Rusiye Mudafaa nazirliginiñ Tu-154 uçağı

Soçi yanında yüz bergen uçaq qazasında elâk olğanlarnıñ hatırasına, Rusiye prezidenti Vladimir Putin dekabr 26 kününi umummilliy matem künü olaraq ilân etti. Rusiye devlet yolbaşçısı qaza diqqatnen taqiq etilecegini ve qurbanlarnıñ soy-sopına yardım berilecegini vade etti.

Rusiye Mudafaa nazirliginiñ Tu-154 uçağı dekabr 25 künü saba avağa köterilgende qazağa oğradı. Liner Suriyege yol tuta edi, uçaqta 92 insan bar edi, olarnıñ çoqusı – Aleksandrov adına yır ve oyun ansambliniñ iştirakçileri, Halepte kontsert berecek ediler. Ölgenler arasında «Adaletli yardım» fondunıñ yolbaşçısı Yelizaveta Glinka, ve doquz jurnalist te barlar.

Tu-154 qazasını tedqiq etecek komissiya, qazanın esas sebebi olaraq, uçaqnıñ tehnikiy nuqsanlığını baqmaqta.

Ölgenlerniñ ailelerine, TASS haber etkenine köre, altışar million ruble berilecek.

XS
SM
MD
LG