Qırım ile memuriy sıñırda Ukraina devlet sıñır hızmetiñin hadimleri, Rusiyeniñ aviatsiyası faaleşkenini qayd ettiler. Bunı müessiseniñ matbuat-hızmeti dekabr 24 künü beyan etti.
«Berdânsk ve Herson taqımlarınıñ sıñırcıları, ilğalcilerniñ 5 helikopteri uçqanını kördüler. Rusiye arbiy küçleriniñ Mİ-8 helikopterleri işğal etilgen yarımadanıñ üzerinde memuriy sıñırnı boylap keçti. Er sefer sıñırcılar Ukraina arbiy küçleriniñ hızmetteki bölüklerine haber bere ediler», – dep aytıla bildirüvde.
Memuriy sıñır yanında ukrain sıñır bekçileri rus arbiy tehnikanıñ bazı avuşuvlarını közetti, ve deñiz qısımında ava yastıqlı katerlerniñ yürüp, inasnlarnı mindirgeni ve endirgenini qayd etti.
Ukraina devlet sıñır hızmetiniñ videosı
Qırım 2014 senesiniñ başında Rusiye tarafından işğal etilgen soñ Ukainanıñ qıtaiy qısımı ve yarımda arasında asılında memuriy, lâkin fakt olaraq kerçek «sıñır» keçirildi. Qırım vaqıtınca işğal etilgen topraq olaraq ilân etildi.
