Link açıqlığı

Saatnıñ esas haberi

Qırım siyasiy mabuslarınıñ balaları 2017 senesi psiholog ile çalışmağa başlaycaq – İslâmova


Yañı yıl arfesinde Qırım siyasiy mabuslarınıñ çağına yetmegen balaları 5 biñ Rusiye rublesi miqdarında maddiy yardım alacaqtır. Bunı «Bizim balalar» leyhası şurasınıñ azası Elzara İslâmova dekabr 24-de Aqmescitte olıp keçken «Qırım birdemligi» birleşmesiniñ doquzıncı toplaşuvı vaqtında ayttı, dep haber ete Qırım.Aqiqat mühbiri.

Elzara İslâmovanıñ aytqanına köre, bu sermiya leyhağa qoltutqan iş adamları sayesinde toplandı. «Bizim balalar» noyabr ayında da aynı miqdarda maddiy yardım köstergen edi.

Leyha şurasınıñ azası qayd etkenine köre, kelecek sene bu balalar psiholog yardımını da körecekler. «Kelecek yıldan başlap balalarğa psihologik yaranı tedaviylemege yardım etecek psiholog çalışmağa başlay. Bala psihologınıñ işini maliye etecek teşkilâtlar bar. Psiholog leyhamız ile daimiy olaraq çalışacağına ümüt etemiz», – dep ayttı o.

Elzara İslâmovanıñ bildirgenine köre, tezden siyasiy mabuslar qorantalarınıñ fotoresimleri aydınlatılacaqtır. Böyle etip cemaatnıñ diqqatını bu problemge celp etecek olalar.

«Bizim balalar» leyhası bu sene mubarek Ramazan ayında çalışıp başladı. Leyha teşebbüsçisi jurnalist Lilâ Bucurova olğandır. Onıñ maqsadı – Qırımnıñ siyasiy mabusları ve ğayıp olğan ya da qaçırılğan qırımtatarlarnıñ qorantalarına yardım etmektir.

Leyha çerçivesinde siyasiy taqiplerge oğrağan insanlarnıñ balalarına yardım kösterile: para, urba ve oyuncaqlar, raatlıq ve tedaviylev, psihologik yardım ve ilâhre.

XS
SM
MD
LG