Link açıqlığı

Rus PEN merkeziniñ azaları Putinni Sentsovnı bağışlamağa çağıra


Oleg Sentsov, Rostov-na-Donu, 2015 senesi avgust 25 künü

Rus PEN merkeziniñ 80-den ziyade edebiyatşınası ve alimi Rusiye prezidenti Vladimir Putinni Rusiye apishanesinde terrorizm ile qabaatlanğanından 20 yıl apis cezasını çekken ukrain rejissöri Oleg Sentsovnı afu etmege çağıra. Bunı Radio Svoboda bildire.

İlim ve medeniyet erbapları meramet ve insanlıq köstermege çağıralar. Olarnıñ aytqanına köre, Sentsovnıñ 20 yıl apis cezası – adaletsizliktir.

2015 senesi avgust 25 künü Rusiyeniñ Şimaliy-Kavkaz okrug arbiy mahkemesi, Aqmescitli ukrain rejissörı Oleg Sentsovnı, terrorizmde qabaatlap, 20 yılğa sert rejim apishanesinde azatlıqtan marum etilecegi aqqında qarar alğan edi. Rusiye taqiqatçıları Qırım faali Aleksandr Kolçenkonı Sentsovnıñ qabaat ortağı olaraq tanıp, onı 10 yılğa qadar apishanege aldılar.

Aleksandr Kolçenko, Oleg Sentsov kibi, qabaatını tanımay. Uquq qorçalayıcı teşkilâtlar qabaatnı delilsiz ve siyasiy sebeplernen bağlı olğanını ayta.

PEN klubı (PEN International) – ükümetten tış halqara teşkilât, farqlı edebiyat janrlarında çalışqan yazıcı, şair ve jurnalistlerni birleştire. Dünyada repressiyalarğa oğrağan yazıcılarğa yardım etmek, nefret tiline ve er angi ayırım çeşitine qarşı çıqmaq – PEN klubı faaliyetiniñ müim taraflarıdır.

XS
SM
MD
LG