Birleşken Milletler Teşkilâtı mahsus mahkeme açıp, 2017 senesiniñ başında Ukrainanıñ Risiyege qarşı şikâyetini baqıp başlaycaq. Mesele – Qırımnıñ deñiz suv alanı ve yalı etrafındaki deñiz astınen bağlıdır. Bu Ukraina prezidenti Petro Poroşenkonıñ Facebook saifesinde bildirile.
«Ukraina mahkemede, öz deñiz alanında ve Qırım Muhtar Cumhuriyeti etrafında qıtaiy suv astında kefaletli aqlarını qorçalamağa, ve ücümci tarafından bu aqlar yüssüzce bozulğanını isbaatlamağa azır», – dep haber etile bildirüvde.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
