Link açıqlığı

Yedi Quyu rayonında ğayıp olğan balıqçılarnıñ cesetleri deñiz sailinde tapıldı – Taqiqatçılar


Tasviriy resim

Ğayıp olğan üç balıqçınıñ cesetleri Yedi Quyu rayonında Mama (Kurortnoye) köyü yanında deñiz sailinde tapıldı. Bunı dekabr 23 künü Qırımda Rusiyeniñ taqiqat komimet idaresiniñ yolbaşçı yardımcısı Yevgeniya Belikova haber etti, dep bildire Krıminform.

«Bu üç balıqçı ğayıp olğan soñ, Taqiqat komiteti tarafından taqiqat işleri alıp barıla edi. Bügün cesetler tapıldı ve, ilk malümatqa köre, bu – ğayıp olğan balıqçılar», – dedi Belikova.

Mama köyü civarında «Çoqraq» istaraat bazasına yaqın yerde üç balıqçı ğayıp olğanı aqqında bildirüv – Qırımnıñ acele hızmetlerine 29 noyabrde aqşam kelgen edi. Sail çizgisi baqılğanda, balıqçılarnıñ deñizge çıqqanları yerlerinden qararnen 500 metr uzaqlıqta, avdarılğan şekilde yalığa urulğan qayıq tapılğan edi. Qurtarıcılarnıñ sözlerine köre, eki kişi Yedi Quyu ve Saq rayonından ğayıp oldı.

Dekabr 9 kününden soñ, ğayıp olğan üç kişiniñ Azaq deñizinde qıdırıluvı passiv olaraq devam etildi.

XS
SM
MD
LG