Link açıqlığı

Kreml kontrolündeki Qarasuvbazar memüriyet yolbaşçısınıñ muavini, prokuratura tarafından qabarcılıqta qabaatlanıp, işten boşatıldı. Bunı dekabr 23 künü Qırımdaki Rusiye prokuraturasınıñ matbuat-hızmeti bildirdi.

«Qarasuvbazar şeer idaresiniñ yolbaşçı muavini, şeerde köçüci ticaret obyektiniñ qoyması içün öz apayına ruhset berilmesine yardımcı olğanı tasdiqlandı. Ömür arqadaşınen añlaşma tizilgen soñ ise yarım yıl devamında köçüci ticaret obyektiniñ yerleştirilmesi içün para alınılmay edi», – dep aytıla bildirüvde.

Matbuat-hızmetinde qayd eteler ki, şeer yolbaşçısınıñ muavini «belediye saipligindeki şirketke zarar ketirip, şahsiy şirkeniñ ticariy işlerine qanunsız şekilde destek bere edi».

Keçende Kreml kontrolündeki Keriç şeer yolbaşçısınıñ muavini Oleg Şevçenko, qabarcılıqta qabaatlanıp, yaqalanğan edi.

XS
SM
MD
LG