Link açıqlığı

Saatnıñ esas haberi

IŞİD türk askerlerini yaqqanınıñ videosını derc etti


«İslâm devleti» cenkçileri
«İslâm devleti» cenkçileri

«İslâm devleti» terrorist teşkilâtı asker urbasında eki insannıñ öldürüvini aydınlatqan videonı derc etti. İnsanlarnı tiri-tiri yaqqanlar. IŞİD yaqılğan insanlar esir alınğan Türkiye ordusınıñ askerleri olğanını bildirdi.

19 daqqalıq levha, IŞİD aytqanı kibi, Suriyeniñ şimalindeki Aleppoda çıqarılğan.

Eşitile ki, cenkçi fitilni yaqıp, Türkiye prezidenti Recep Tayyip Erdoğanğa qarşı aqaret sözlerini qullana.

Bazı malümatlarğa köre, Türkiye akimiyeti video seyir etilmesin dep, içtimaiy ağlarnıñ saytlarını blok etti.

Eki yıl evelsi «İslâm devleti» terrorist teşkilâtı esir alınğan Urdun uçucısını yaqıp öldürgenini köstergen video peyda olğan edi.

Türkiyeniñ resmiy vekilleri videonı izaatlamay. Faqat ordu komandanlığı eki asker ile bağ üzülgenini tasdıqladı.

XS
SM
MD
LG