Link açıqlığı

Kurort nazirligi Ay-Petri yaylası içün tabiat-istaraat parkı olaraq inkişaf leyhasını azırladı


Ay-Petri dağında, arhiv resimi

Kreml kontrolündeki Qırım Kurort ve turizm nazirligi Ay-Petri yaylasını tabiat-istiraat parkı olaraq inkişav ettirmek içün mahsus leyha azırladı. Bunı, Kurort be turizm naziri Sergey Strelbitskiyge atıf etip, «Krıminform» haber ete.

«Cumhuriyet yolbaşçısı bizge, bu yerniñ inkişaf ettirilmesi içün leyha azırlamağa avale etti, ve biz onı azırladıq. Cumhuriyet yolbaşçısı, bu obyekt ancaq tabiat-istiraat parkı olaraq baqılacağını ayttı. Şimdi Ay-Petride yer alğan bazar anda olmaycaq», – dep beyan etti Strelbitskiy.

Bundan evel Kreml tarafından tain etilgen Qırım yolbaşçısı, Ay-Petri yaylası yatırımcılarnıñ sermiyaları sayesinde abadanlaştırılacağını aytqan edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG