Link açıqlığı

Balıqlavada dekabr 24 künü tantanalı surette şeer toplaşuvını ve Stalinniñ doğğan kününe bağışlanğan kontsertni keçirmege niyetliler, dep haber ete Qırım.Aqiqat muhbiri.

Merasimniñ teşkilâtçısı – RF Kommunistik fırqasınıñ (KPRF) Aqyardaki bölügi ola. Aryardaki kommunistlerniñ sözlerine köre, kontsertniñ eñ müim çıqışı – Balıqlavalı yırcınıñ Stalin aqqında türküsi olacaq.

Ukraine, Crimea - ad, 16Dec2016
Ukraine, Crimea - ad, 16Dec2016

Aqyarlı kommunistlerniñ fikirince, Ekinci cian cenkinden soñ Stalin şeerniñ ğayırdan qurulmasına büyük isse qoştı. Stalin vaqıtında Aqyar «cumhuriyet seviyesindeki şeer» statusını alğan edi. Şeerde az sayıda olğan komsomol ve pionerlerge SSCB içün Stalinniñ islâatları neqadar emiyetli olğanını, «Stalinniñ devlet idare etüv tarzı» ne qadar semereli olğanını añlatalar.

2016 senesi yanvar ayında Aqyardaki KPRF bölügi Kreml kontrolündeki Aqyar şeer memuriyetine muracaat etip, demiryol vokzalında Stalinniñ abidesini yerleştirmek meselesini baqmağa rica etken edi. Bu muracaatqa cevap berip, şeer akimiyetiniñ sabıq yolbaşçısı Sergey Menâylo «böyle teşebbüsler nege ketirmek mümkün olğanını añlap, diqqatnen ve mıqaytlıqnen davranmağa kerek» degen edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG