Qırımnıñ energetik sisteması 31 dekabr künü bozuvsız çalışacaq, Qırım sakinleriniñ evlerine elektrik aqımı toqtamayıp kelecek, dep bildirdi Kreml kontrolündeki yarımadanıñ Yaqarlıq ve energetika nazırı Svetlana Borodulina.
Onıñ sözlerine köre, ealini toqtatuvlarsız elektrik aqımınen teminlemek içün, Qırımda idareler yolbaşçılarını ışıqlarnı eksiltmege rica ettiler.
«Sistema bozuvlarsız çalışacağını tahmin etemiz. 31 dekabr – raatlıq künü, ağlarğa berilecek ağırlıq kün devamında bir tertipte olacaqtır. Bizler içün, sanayı şirketleri çalışmaycağı – yahşıdır, bazı küçlerni arttırmağa mümkün olacaq. İdare yolbaşçılarına, soqaqlarnıñ bazı qısımlarında, reklama tablolarında ışıqlarnı söndürmege rica ettik, bizim esas maqsadımız, ilk evelâ, ealini toqtamayıp elektrik energiyasınen teminlemek», – tarif etti Borodulina, dep haber ete RİA Novosti Krım.
Nazir, elektrik energiyası tutumlı qullanılmaq kerek olğanını hatırlattı. O Qırım sakinlerini, elektrik qızdıruv aletlerini mümkün olğanı qadar azca qullanmağa çağırdı.
Keçenleri Qırımda suvuq avalar sebebinden elektrik energiyası yetişmegenini bildirgen ediler.
