Link açıqlığı

Advokat Polozovğa oña qarşı yañıdan başlağan taqiqattan aldın teşkerüv teşebbüsçisini aytmaylar


Advokat Nikolay Polozov

Rusiye advokatı Nikolay Polozov oña qarşı taqiqattan aldın teşkerüv teşebbüsi kimge ait olğanını bilmey. Advokat Qırım.Aqiqatqa bildirgenine köre, taqiqatçı malümat bermedi.

«Taqiqatçınıñ bergen malümatına köre, o, cinaiy iş açılmasını red etti, amma qarar lâğu etildi. O, kim yapqanını aytmay – ya taqiqat organınıñ reberi, ya da prokuror. Olar bunı tekrar baqmağa ve menden malümat almağa isteyler. Olarğa baracaq alım yoq», – dep ayttı Polozov.

Dekabr 21-de Kreml kontrol etken Qırım Yuqarı mahkemesiniñ «Çiygoz davası» boyunca toplaşuvında advokat oña basqı yapılğanını ayttı. Polozov taqiqatçığa advokatlar palatasınıñ cevabını yollağan.

Dekabr 20-de advokat Nikolay Polozovğa qarşı cinaiy iş ğayrıdan başladı.

Bundan evel Qırımdaki Rusiye taqiqat komiteti Qırımda qırımtatarlarğa qarşı açılğan bir sıra davada imayeci olğan Rusiye advokatı Nikolay Polozovğa qarşı cinaiy iş açılmasına razı olmağan edi.

XS
SM
MD
LG