Link açıqlığı

Saatnıñ esas haberi

Aksönov öz muavinleriniñ sayısını arttırdı


Sergey Aksönov,
Sergey Aksönov,

Kreml tarafından tain etilgen Qırım yolbaşçısı Sergey Aksönov öz fermanı ile muavinleriniñ sayısını doquzğa qadar arttırdı. Bu aqta qarar yarımadada üküm etken akimiyetniñ resmiy sitesinde yerleştirilgen.

«Qırım Cumhuriyeti yolbaşçısınıñ 2014 senesi 16 iyünde qabul etken №51-U «Qırım Cumhuriyetiniñ devlet akimiyetine ait icra organlarınıñ qurulışı aqqında» fermanına böyle bir deñişme kirsetmek: Qırım Cumhuriyeti Nazirler şurasınıñ reisinde 9 muavini olğanını tainlemek», – dep aytıla vesiqanıñ metininde.

Dekabr 20 künü Aksönov bildirdi ki, Rusiyeniñ sabıq İqtisadiy inkişaf naziriniñ namzetini Qırım baş naziriniñ muavini vazifesine tainlemek fikiri Kreml kontrolündeki Qırım parlamentiniñ baqılmasına teklif etilecek. Aksönovnıñ muavini yarımadada topraq ve mülk muamelelerini közetecek.

XS
SM
MD
LG