Link açıqlığı

Rusiye prezidenti Vladimir Putinniñ er yıllıq matbuat-konferentsiyası dekabr 22, cumaaqşamı kününden dekabr 23, cuma kününe qaldırıldı. Bunı Putinniñ matbuat-kâtibi Dmitriy Peskov bildirdi.

Peskovnıñ sözlerine köre, Rusiyeniñ Tükriyede öldürülgen elçisi Andrey Karlovnen vedalaşuv merasimi 22 dekabr künü keçirileceginden ve ozü de bu merasimde iştirak eteceginden sebep prezident böyle qarar aldı.

Öldürülgen diplomatnıñ cesedi Ankaradan Moskvağa dekabr 20 künü ketirildi.

Karlov deabr 19 künü atılıp öldürildi. Türkiye akimiyeti, ücüm etken insan – mahsus bölükniñ polis hadimi (bazı beyanatlarğa köre – sabıq hadimi – QA) 22 yaşıdaki Mevlüt Mert Altıntaş olğanını bildirdi. Altıntaş ile bağlı olğan altı kişi endi polis tarafından yaqalandı.

BM Baş kâtibi Ban Ki-moon bu adiseni «manasız terroristik ücüm» olaraq adlandırdı, BM Teşkilâtınıñ Telükesizlik Şurası ise bir ağızdan bu teraktnı takbih etti.

XS
SM
MD
LG