Qırımda advokat Nikolay Polozovğa qarşı cinaiy işni yañıdan başlattılar. Bunı Polozov özü Facebookta dekabr 20 künü yazdı.
«Erte quvandıq. Rusiye CK 2 q. 294 mad. ve 1 q. 297 ve 319 mad. boyunca cinaiy işniñ açılmasını red etken qarar lâğu etildi ve meni kene de, taqiqattan ögüne keçirilgen teşkerüv çerçivesinde ifade bermem içün, Rusiye taqiqat komitetiniñ Qırım Cumhuriyetindeki Baş taqiqat idaresinde bekleyler. Yani, aytacağım: Qırımda insan aqlarınıñ qorçalamaq – mesüliyetli ve telükeli iştir», – dep yazdı Polozov.
Dekab 16 künü Qırımdaki Rusiye Taqiqat komiteti Nikolay Polozovğa qarşı cinaiy iş açmağa razı olmağan edi.
