Ukrainanıñ Yuqarı Rada deputatları dekabr 21 künü aman-aman saat 5:00 saba 2017 senesi içün devlet bücetini qabul etti. Oña 274 millet vekili rey berdi, dep haber ete Radio Svoboda.
Bücet leyhasını «Petro Poroşenko Blokı», «Narodnıy Front», «Vidrodjennâ», «Radikal fırqa» ve «Volâ narodu» fraktsiyalatı destekledi. Öz nevbetinde, «Rodina», «Samopomiç» ve «Muhalifet blokı», evel beyan etkenleri kibi, leyhanı red ettiler.
Rey berüvden soñra spiker Andriy Parubiy öz işdeşlerini hayırladı.
«Bu murekkep ve yuqusız gece buña lâyıq edi. Biz kelecek sene içün bücetni qabul ettik. Qayd etmege isteyim ki: bu sadece inkişaf büceti degil. Bu Ukrainanıñ mudafaa büceti. Bu bütün serbest dünyanıñ mudafaa büceti. Ve biz, oña rey berip, destegimizge muhtac olğan, cebedeki bizim yigitlerimiz içün rey berdik», – dedi Parubiy.
Bücet komiteti devlet bücetiniñ soñ şekilini tek saat 4:00 saba azırlap berdi. Bundan ögüne parlament vekilleri Bücet ve Bergi kodekslerine kerekli deñişmelerni kirsete ediler.
Kelece yılnıñ büceti qabul etilmezden ögüne, Yuqarı Radada bir-qaç kere teneffüs ilân etile edi.
Bundan ögüne salı künü deputatlar, dekabr 20 künü aqşam toplaşuvında, kün mevzularınıñ episi soñuna qadar baqılğance çalışmağa qarar alğan ediler.
Yıl evelsi 2016 senesiniñ devlet büceti te 2015 senesi 25 dekabr gecesi qabu etilgen edi, 2015 senesi de kelecek yılnıñ büceti gece qabul etilgen edi.
