Link açıqlığı

Saatnıñ esas haberi

Aksönov Suvuq Sala boğazındaki vaziyet içün mesül kişini tainledi


Suvuq Sala boğazı, arhiv resimi
Suvuq Sala boğazı, arhiv resimi

Kreml kontrolündeki Qırım yolbaşçısı Sergey Aksönov, ava fenalaşqan vaqıtta Suvuq Sala boğazında yol areketeniniñ idare etilmesi içün mesüliyetli kişi olaraq baş nazir muavini Oleg Kazurinni tainledi. Bunı Aksönov dekabr 20 künü Nazirler şurasınıñ toplaşuvında beyan etti, dep haber ete «Krıminform».

«Cumaertesi-bazar künleri Suvuq Sala boğazı devamlı tıqanınq edi, furalarnı keri çevire ediler, aşada post qoyulmay edi. Bütün gece FVN esabat bere edi ve biz obalarnı dağıta edik. Yol hızmetleri ne yaptı?» – dep şikâyet etti Aksönov.

Kreml kontrolündeki Naqliyat naziri Anatoliy Volkov ve baş nazir muavini Oleg Kazurin, «Krımavtodor» teşkilâtında ağır tehnika yeterli qadar olmağanını añlattılar, bundan sebep Fevqulâde vaziyetler nazirligine muracaat etmege kerek oldı, abu ki fevqulâde vaziyet ilân etilmegen edi.

Bundan ögüne dekabr 13 künü Suvuq Sala boğazında buzlavuq sebebinden yolda qaza yüz bergen edi, daa 30 fura yoquşnı keçip olamadı.

Suvuq Sala boğazındaki yol qısımı, dekabr ayından mart ayına qadar fena ava vaqıtında yol areketi sıñırlanmaq mümkün olğan qısımlardan biridir.

XS
SM
MD
LG