Link açıqlığı

Suvuq avadan sebep şiddetli virus nefes hastalıqları Qırımda keñiş surette yayıldı ve epidemiya seviyesini 15% aştı. Bunı dekabr 20 künü Kreml kontrolündeki Qırım ve Aqyar boyunca Rospotrebnadzor idaresiniñ yolbaşçısı, yarımadanıñ baş sanitar ekimi Natalya Penkovskaya beyan etti.

«Şimdiki vaqıtta ava şaraitleri keçken sene ve daa bir yıl evelsi olğan vazitten farqlana ve daa suvuq olğanı qayd etile. Bu sebepten, elbette ki, ORVİ epidemiya seviyesi Qırımda da, Aqyarda da artqanını köremiz. Umumen Qırım boyunca ebidemiya seviyesi 15% aştı», – dedi Penkovskaya, dep haber ete «Krıminform».

Ayrıca, Penkovskayanıñ sözlerine köre, epidemiya seviyesi Qırımnıñ üç regionında aşqan: Keriç, Yedi Quyu ve İçki rayonlarında.

Baş sanitar ekim bildirdi ki, şimdi endi 156 insan gripp hastalığına oğrağanı qayd etilgen, olarda A H3N2 (Hong Kong virusı) gripp çeşiti tapıldı. Bu sene bu gripp çeşiti olacağı evel de bildirile edi.

XS
SM
MD
LG