Link açıqlığı

Saatnıñ esas haberi

Avropa Birligi Rusiyege qarşı sanktsiyalarnı daa altı ayğa uzattı


Tasbiriy resim
Tasbiriy resim

Avropa Birligi Şurası dekar 19 künü Rusiye Federatsıyasına qarşı iqtisadiy yaptırımlarnı 2017 senesi 31 iyülge qadar devam ettirdi. Bu aqta AB Şurasınıñ resmiy qararında söz yürsetile.

«Dekabr 15 künü Avropa şurasınıñ toplaşuvında Minsk añlaşmalarınıñ kerşekleştirüv ceryanına qıymet kesip, AB yetekçileri sanktsiyalarnıñ daa altı ayğa uzatılmasına yol açtılar. AB şurası bu qararnı 19 dekabrde yazılı şekilde resmiylertirdi», – dep aytıla AB qararında.

Sanktsiyalarnıñ müddedi yanvar ayınıñ soñunda soñuna kele.

2014 senesinden başlap Ukrainadaki vaziyet kengirleşkeninden ve Rusiyeniñ oña qarşı Qırım ve Donbass istilâsından sebep Ğarp tarafından oña qarşı ceza kirsetildi. Yaptırımlar daa çoq rusiyeli şahıs ve şirketlerge ait, em de Ukrainanıñ sabıq idaresinden Donbasstaki ve Qırımdaki ayrılıqçılar sanktsiya cedveline kirsetilgen. Bundan da ğayrı Rusiye iqtisadiyatınıñ bazı saaları da cezalanğan.

Soñki zamanları Rusiye ğarbiy ortaqları vastasınen, halqara mecburiyetlerni yerine ketirmeyip, sanktsiyalarnı bütünley ya da qısmen lâğu etmek ğayesini keçirmege tırışa. Bunen beraber Rusiye ile munasebetler tüzetilmek kerek olğanı aqqında AQŞ saylanılğan prezidenti Donald Trump ta seslengen edi.

XS
SM
MD
LG