Link açıqlığı

Saatnıñ esas haberi

Putin ve Erdoğan Rusiye elçisiniñ öldürüvini «provokatsiya» dep adladılar


Rusiye elçisi Andrey Karlov Zemaneviy sanatlar merkezinde çıqışta buluna, 2016 senesi dekabr 19 künü
Rusiye elçisi Andrey Karlov Zemaneviy sanatlar merkezinde çıqışta buluna, 2016 senesi dekabr 19 künü

Rusiye prezidenti Vladimir Putin Moskva Türkiyedeki Rusiye elçisi Andrey Karlovnıñ öldürüviniñ artında kim turğanını bilmek kerek, dep ayta.

Putinniñ aytqanına köre, bundan sebep cinaiy iş açıldı, Rusiye vekilleri taqiqatta iştirak etmek içün Ankarağa yol alacaq.

Tışqı işler nazirligi, Tışqı istihbarat hızmeti ve FSB yolbaşçıları ile körüşkende Pütin Karlovnıñ öldürüvini Suriyedeki zıddiyetniñ al etilmesini bozacaq provokatsiya dep adladı, dep haber etti Kremlniñ matbuat kâtibi Dmitriy Peskov.

Rusiye Tışqı işler nazirliginiñ vekili Mariya Zaharova «Rossiya 24» telekanalınıñ yayınında Moskva elçiniñ öldürüvini terakt olaraq tanığanını aydınlattı.

Türkiye prezidenti Recep Tayyip Erdoğan Rusiye elçisiniñ öldürüvini takbih etip, «provokatsiya» dep adladı.

«Türkiye ve Rusiye munasebetleriniñ eyilişmesiniñ bozulmasına yönelgen provokatsiya olğanını bilemiz», – dep ayttı Erdoğan öz izaatında.

Türkiye akimiyeti Rusiye elçisini Ankarada mahsus politsiya bölüginde çalışqan kişi öldürgenini tasdıqladı. Politsiya ücüm etkenini atıp öldürdi.

Rusiye elçisi Andrey Karlov Ankaradaki Zemaneviy sanatlar merkezinde oğrağan ücüm vaqtında alğan yaralardan can berdi.

Ateş açılğanından daa 3 kişi yaralandı.

XS
SM
MD
LG